AZƏRBAYCAN MİS İXRACINDAN GƏLİRİNİ 10 DƏFƏYƏ YAXIN ARTIRIB

Bu ilin yanvar-iyul aylarında Azərbaycan 152 milyon ABŞ dolları dəyərində 69,1 min ton mis filizləri və konsentratları ixrac edib. Dövlət Gömrük Komitəsinə xəbər verir ki, bu, ötən ilin eyni dövrü ilə müqayisədə dəyər baxımından 136 milyon ABŞ dolları (9,5 dəfə), həcm baxımından isə 59,5 min ton (6,8 dəfə) çoxdur.

Hesabat dövründə mis filizləri və konsentratlarının ixracından əldə olunan gəlir ümumi ixrac gəlirlərinin 0,5 %-ni təşkil edib.

7 ayda Azərbaycan xarici ölkələrlə 29 milyard 216 milyon ABŞ dolları dəyərində ticarət əməliyyatı aparıb. Bu, ötən ilin eyni dövrünə nisbətən 1,3 % çoxdur. Xarici ticarət dövriyyəsinin 19 milyard 336 milyon ABŞ dolları ixracın, 9 milyard 881 milyon ABŞ dolları isə idxalın payına düşüb. Son 1 ildə ixrac 27 % artıb, idxal isə 27,4 % azalıb. Son nəticədə xarici ticarətdə 9 milyard 455 milyon dollarlıq müsbət saldo yaranıb. Bu da illik müqayisədə 5,9 dəfə çoxdur.Bu ilin yanvar-iyul aylarında Azərbaycan 152 milyon ABŞ dolları dəyərində 69,1 min ton mis filizləri və konsentratları ixrac edib.