AZƏRBAYCAN PREMYER LİQASINDA III TURA İKİ OYUNLA YEKUN VURULACAQ

Misli Premyer Liqasında III turun sonuncu oyun günündə iki qarşılaşma keçiriləcək.

Günün ilk matçında “Araz-Naxçıvan” Qəbələ şəhər stadionunda “Sabah”ı qəbul edəcək. Hazırda Naxçıvan təmsilçisi 1 xalla 11-ci, “Sabah” isə 3 xalla 6-cı pillədə qərarlaşıb.

Tura Sumqayıt şəhər stadionunda baş tutacaq “Sumqayıt” – “Qarabağ” oyunu ilə yekun vurulacaq. Turnir cədvəlində 3 xalı olan “Qarabağ” 5-ci sırada yer aldığı halda, xalı olmayan “Sumqayıt” sonuncu — 12-ci pillədədir.Misli Premyer Liqası (I dövrə, III tur)

31 avqust

AFFA nümayəndəsi: Törə Əhmədova

18:00. “Araz-Naxçıvan” – “Sabah”

Stadion: Qəbələ şəhər stadionu

Hakimlər: Rəvan Həmzəzadə, Teymur Teymurov, Müslüm Əliyev, Vüqar Həsənli

VAR / AVAR: Kamranbəy Rəhimov / Zöhrab Abbasov

Hakim-inspektor: Ömər Paşayev